فهد المساعد

أحدث مشـــتريات » · كُتب : [ 05-03-2009 - 10:36 AM ]

10- الطفل والمحارم

كــــان في وسط المدينه...
طفلٍ أكبر من سنــــينه..

والده مات بحنــــانه..
ولاقعد يندب زمانه...

صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ...

يمسح أطراف القوايل عن جبينه ..
يبعد الشمس ويطاردها بيدينه..

طفل أحزانه معالم..
طيب وسمح ومسالم..

يمشي ويطوح بصوته ..
يبغى قـــوت أمه وقوته ..

المحارم....المحارم....المحارم ..
المحارم....المحارم....المحارم ..

ولا أقبل الليل ..ورحل وجه النهار ..
راح لامه مثل الأطفال الصغار ..

وأرتمى في ...حظنها ..
أرتمى في....جفنها ..
أرتمى في....حزنها..

وقامت امه تبكي لضيعة سنينه ..
وصـــــاح...يمه
ليه يــاعمري حزينه؟ ..
دمعتك يالغاليه والله ثمينه ..

تحسبين أني حزين؟ ..
لا..و(ربي) ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..

وفي صباح من صباحات الضياع ..
الحزن قدر يقول له الوداع ..

نـــــــــادت أمه...ماسمع ..
صـــــاحت أمه...مانفع ..
طـــــاحت أمه...مارجع ..

الصغير اللي ملى الدنيا صراع...
مـــــــات ....من كثر الوجع

أحدث مشـــتريات » · كُتب : [ 05-03-2009 - 11:03 AM ]

11- الأسرار

يارفيـف الماء..وفجـر العيـد..واحـزان المـوانـي
يا أكثر أهـل الارض طيبـه قلب..وأسـرار دفينـه..

المـكـان الـلـي هنا..ملـيـان ضحكات,وأغـانـي
والكـلام اللـي بغيـت أقول..يحـتـاج لسكيـنـه..

شوفـي الركـن البعيـد هـنـاك كنه..صدرحـانـي
هذا هـو اللـي يليـق بشاعـر وبـبنـت حزينـه..

أنـسـي الشارع,وعـتـمـات الزوايا,والمـبـانـي
هاتـي يدينـك نلـف الغـيـم ونشـكـل مديـنـه..

عنـدي الليلـه كـلام وصمـت..وأخـاف الثـوانـي
تظلمه..أوتظلـم اللـي فيـه كـم ضاعـت سنينـه..

بــس لازم تسمعـيـن الـلـي أبــي ولاتـرانـي
لوباعيده لك..نسيـت ورحـت أقـول اللـي تبينـه..

شـيء واحدقبـل ماأبدا..ماأبـي إي شـيء ثـانـي
يخطـر فـبالك..وأكشـف لـك شعـور تجهليـنـه..

إن أناوبكـل ماتحملـه كلمـه أحبـك مـن معـاانـي
كنت وراااح أبقى أحبك لين..مدري لين وش هو لينه؟..

بـس والله ماقـدرت أنـسـى ولاهـمـي نسـانـي
لاذكـرت إنسـأن فيـه أسـرار مابيـنـك وبيـنـه..

كـل ماتطـري علـي فـكـرة هــواك الاولانــي
أشعرإنـي أنطعـن مليـون مـرة مــن يديـنـه..

أشـعـرأن عيـونـك الله ماخلقـهـا إلاعـشـانـي
كيـف كانـت تبتسـم له؟قولـي إنـك تخدعيـنـه..

صـورة أنـه كـان يمسـح دمعك..تزلـزل كيـانـي
وكيـف كـان يلـم شعرك..ويتبعثـر فـي يمينـه..

حتـى أسمـك يـوم رحـت أدللّـه حظـي رمـانـي
بنفس الاسـم اللـي يقول..بذمتـك ماهـي غبينـه؟؟

وكنـي اللـي كـل ماأنـاديـك بـالاسـم الفـلانـي
أطلـب النسيـان يتـرك منـه شــيء تذكريـنـه..

لاتظـنـيـنـي أنانـي...لاأنـامـانـي أنــانــي
لوسلمت من الغرق بـأمـوت فـي ظهـر السفينـه..

ياأنـي مااكمـل وأعاني..أوأكـمـل ثــم أعـانـي
كل ماأسمع طاري إسمـه أوتجـي عينـي بـعينـه..

أيّنـا كـان الضحيه؟....وأيّنـا اللـي كـان جـانـي
مدري..!ولـكـن قــراري لازم إنـتـي تقبليـنـه..

مثـل مـاأكـره فـكـرة إن إنـسـان يأخذمكـانـي
ماأقدر أجلس فـي مكـان إنسـان كنتـي تعشقينـه..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: فهد المساعد
الموضوع	كاتب الموضوع	المنتدى	مشاركات	آخر مشاركة
للتحميل قصائد ديوان الأسرار الصوتي للشاعر فهد المساعد كاملة بين أيديكم ,,	¤ آلفجر آلبعيد ¤	منتدى الشعر - الشعر - الشعراء - قصائد - نبطي - فصحى	18	02-22-2010 06:13 AM
(فيديو) مقاطع منوعة من قصائد ديوان "سالفة عشاق" للشاعر فهد المساعد	¤ آلفجر آلبعيد ¤	منتدى الشعر - الشعر - الشعراء - قصائد - نبطي - فصحى	5	04-28-2009 04:05 PM
قصيدة " باب النسيان " آخر مانشر للشاعر فهد المساعد	¤ آلفجر آلبعيد ¤	منتدى الشعر - الشعر - الشعراء - قصائد - نبطي - فصحى	5	04-26-2009 01:32 AM
الهيئة ترافق الشاعر فهد المساعد أثنا حضوره معرض الكتاب	¤ آلفجر آلبعيد ¤	منتدى الشعر - الشعر - الشعراء - قصائد - نبطي - فصحى	3	03-18-2009 06:22 AM
صدور كتاب ( وشم .. يوميات الشاعر فهد المساعد )	¤ آلفجر آلبعيد ¤	منتدى الشعر - الشعر - الشعراء - قصائد - نبطي - فصحى	2	03-03-2009 01:02 PM

فهد المساعد

ديوان شعري, ديوان فهد المساعد, شعر, فهد المساعد, نبطي, قصايد فهد المساعد

الديوان الشعري

فهد المساعد

ديوان شعري, ديوان فهد المساعد, شعر, فهد المساعد, نبطي, قصايد فهد المساعد

الديوان الشعري

الذين يشاهدون محتوى الموضوع الآن : 1 ( الأعضاء 0 والزوار 1)