أمـــــي




قصيدتي زاد بعيــوني جمـالها
واخـذت أنقي بالمعاني جزالها

واكتب معانيها من الشوق والغلا
لأمي وأنا اصغر شاعر ٍمن عيالها

كتبتها في غربتي يوم رحلتي
لما طـرالي بالـسفر ماطـرالها

امي وانا بوصف لها زود حبها
وان ماحكيت لها قصيدي حكالها

امي لها بالقلب والجوف منزله
مكانـة ماكل محبـوب نالها

اقرب من ظلالي وانا وسط غربتي
وانا تراي اقرب لها من ظلالها

ماشافت اعيوني من الناس غيرها
ولا خلق رب الخلايق مثالها

اغلا بشر في جملة الناس كلهم
واكرم من ايدين المزون وهمالها

اتبع رضاها ورتجي زود قربها
واللي طلبته من حياتي وصالها

الصدق مرساها والاشواق بحرها
والعطف واحساس الغلا راس مالها

اهيم فيها وابتسم يوم قلبها
يسأل وانا قلبي يجاوب سؤالها

وان اطلبتني شي فزيت مندفع
اموت أنا واحمل تعبها بدالها

واصبر على الدنيا والاحزان والتعب
واحمل على متني فطاحل جبالها

واسهر اعذب راحة القلب بالشقا
واعيش اعاني بس يرتاح بالها

تربية ابوي اللي على الطيب بذكرة
اللي وهبني الحياه ومجالها

نور لي ادروبي وانا طفل مبتدي
حتى تركني واحد من رجالها

الوالدين اولى بالاحسان لجلهم
وأولى بتكريم النفوس وعدلها

اقولها وانا على الله متكل
والله عليم بقدرتي واحتمالها

ياكلمة اغلى من الناس كلهم
ياشمس بقلبي بعيد زوالها

يافرحة تملي لي الكون باكمله
ياشجرة تكبر ويكبر ظلالها

تضحك لي الدنيا ليا شفت زولها
مثل السما تزها بطلة هلالها

والبعد عنها ياهل العرف ماقدره
لاشك ناري زايدة بشتعالها

ماعيش ببلاد ولاهيب بأرضاها
ولابي عيوني كان ماهي قبالها

أرض ٍ تدوس امي بالاقدام رملها
اموت فيها واندفن في رمالها

ثامن السبع العجايب




اسمعي والكـل منـا لـه هـواه ولـه ميولـه
لاتمسيـن بكلامـك شعـره بـروس القرايـب

ان حكيتي مـا وفيـت وان تحديتـي عجولـه
تحسبين ان كل فعل ٍ تفعلـه يمنـاك صايـب

تحسبين انك خذيتي بالحـش صولـة وجولـة
تحسبين اني ذكرتـك مـع نسانيـس الهبايـب

والله انك لو ذبحتـي خافقـي لألقـاك حولـه
عاشقة تشقي بقلب من طريـق العشـق هايـب

كم رضيت اسكت عليك من القهر وانتي زعوله
خايف اضحك وستفزك واهجرك واعيش ذايب

ادعيت انك خجولة وادري ان ما انتي خجولـة
وادري انك تخجلين الشمس من فوق السحايـب

مايحببنـي بقلبـك ياالهـنـوف الا فضـولـه
ولا ينسيني غرامك غيـر تكـرار المصايـب

عاشقـة جيتـي ورحتـي يالحبيبـه يالعذولـه
لابنيتـي لـي طمـوح ولا تركتيهـا خرايـب

تستبيحيـن القلـوب وتستحقـيـن البطـولـة
واستحق اعيش بعـدك تايـب وامـوت تايـب

ياكثر ماشال قلبـي شـي اكبـر مـن حمولـه
ولا عفيتي عن غلاه ولابخـل لـك بالوهايـب

كنه ارحم من همـال المـزن للزهـر بذبولـه
وانتي اقسى من هجير القيظ وسمـوم اللهايـب

وانتي ادرى في غلاك بداخلي ش اللي يزولـه
وادخلي علـى الله واحفظـي ذيـك السبايـب

ماخبرت اللحظة اللي حللـت قربـك تحولـه
ولا هقيت اني بشـدد للجفـا قلـب وركايـب

ولاهقيت انك تحبيـن الزلـل وانتـي جفولـه
ولاهقيتـك تكرهينـي كثـر حبـك للطلايـب

كن قلبي في وصالـك وابـل ٍلحظـة نزولـه
وفي فراقك مثل دمعة تنحدر من عيـن شايـب

كنت ابي وقفت حبيبه تنهض القلـب بخمولـه
طامح بالعشق وانتـي عايبـه والحـظ عايـب

كنت ابيع الكون واشتري خافقك وظلال زولـه
كنت اثور اليا وطيتي بالقـدم شهـب الترايـب

كنت قصن كـل كفـي غيـر كفـك مايطولـه
كنت قلب ودمعتين ودرب وجـروح عطايـب

كنت ابيع العمر كله ورخصه عرضه وطولـه
للعيون الي هدبها ثامـن السبـع العجايـب

بس ابرضي لك غرورك واكسر القلب بذهوله
وقتها ماكنت افكـر صايـب او كنـت خايـب

والرجل لـو ماتحلـى بالشهامـه والرجولـة
صدقيني صعب يقدر يملـك قلـوب الحبايـب

صدقينـي مايوالـف خافـق البنـت بسهولـه
بالهوى يابنـت حـواء غيـر طـلاب النشايـب

والسهر والعشق الاول والهوى واللـي ينولـه
شي اقسى من همومك والعنه حاضر وغايـب

والهموم اللي دعتني من بعـد سـن الطفولـة
كلها ( من تحت راس العشق ) ملعون الصلايب

لالالالالا يا مـجــرد.
وربي مجمووعــه روعــه
وفيها قصـايد اول مرهـ اقراهـآآ
اخ بـس لو فيها منهـآ.. صوتيه

يسلمو يا مجـرد
ولا عدمنـآ مواضيعك الذووق داايم