منتدى الشعر - الشعر - الشعراء - قصائد - نبطي - فصحى

رقم المشاركة : 1 08-17-2008, 08:12 AM

قصيـدة أثـرت فينـي كثيـر .. وأتمنـى إنهـآ تعجبـكـم ..

،،،

تمنيتك علي تقبل .. أشوفك مبتسم فرحان
وأشوف أهلك يغنوا لك ولدروبي يزفونك ..

وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك ..

واملاك السما تحفك بنور الرازق المنان
عليك اسم الله يالغالي وعمت عين اللي يحسدونك ..

تسابق لجلي خطواتك تجيني محترق لهفان
وأحط يدي على قلبي واقوله جاك مفتونك ..

وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونك ..

يريحني كلامك لي ياما حلا ليلة العرسان
وتعاهدني بتوفي لي وأعاهدك أني ما أخونك ..

مضى عمري وأنا احلم وأظم طيوفه بالأحضان
واسأل ليلى يا ليلى شسويتي بمجنونك ..

تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك ..

خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..

فضحني صوت شهقاتي ورجيت الواحد الديان
يخليها ويقدرني أضمّد جرحي من دونــــــــك ..

أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك ..

وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..

غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..

وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..

يقولون ادفني ذكراه وانسي اللي خان
قسم بالله ما انساك ولو هالكون ينسونك ..

تروف بحالتي سارة وتحلف والله هو خسران
يواسوني رفيقاتي يقولن كلنـــا عونــــك ..

كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك ..

أنا مابي مهر منك ولا شبكة ولا فستان
طموحي احتضن حزنك وازين بالهنا كونك ..

أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..

غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..

وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..

(مزن )ضميتها وبليت شعرها بمدمعي الهتان
ياعمري خلو الخالة وعساهم ما يخلونـــــــك ..

يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك ..

أسفه والله أسفه مكتوب أهيم بسكة الأحزان
ومكتوب تلقى بنت ناس تعيش بدالي في كونك ..

ياشين اللحظة ذي والله تمنيت ألبس الأكفان
وأشوف الظلمة في قبري ولا بغيري يهنونك ..

يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك ..

أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك ..

بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني ..

فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني ..

زماني مارحم ضعفي هزم حسي وتحداني
عهد في قبري ما نساك تعال وزورني عاني ..

تعال خلني بحس إنك علي ولهـــــــــــان
وبفــــــــــرح وانا في وســـــــط تربـانــــــي..

تحيـــاتي

لهفــهـ

رقم المشاركة : 2 08-17-2008, 08:27 AM

رووووعـهـ
أحسااس رائعـ وجاي بووقتهـ
يسلموو حوبي لهووفهـ يسلموو على الانتقااء^_^

رقم المشاركة : 3 08-17-2008, 05:23 PM

وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..

غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..

وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..

أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..

غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..

وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..

حزززينه
موووت
واكيد ماحد يملي عينهاا غيرهـ اللي تخلى عنهاااااااا

احسااااس
................!!!؟؟؟

شكرا لك خيتي
تقبلي تحياتي

رقم المشاركة : 4 08-18-2008, 11:01 PM

رووووووعه القصيده

عساك ع القووووووه

دمت بخير

رقم المشاركة : 5 08-19-2008, 10:43 AM

احساس قاسي جدا حتى الموت
ان شاء الله محد يجربه

يسلمك ربي لهوفه
عساك عالقوه غلاي ,,

رقم المشاركة : 6 08-19-2008, 03:06 PM

وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..

يقولون ادفني ذكراه وانسي اللي خان
قسم بالله ما انساك ولو هالكون ينسونك ..

غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..

وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..

ياشين اللحظة ذي والله تمنيت ألبس الأكفان
وأشوف الظلمة في قبري ولا بغيري يهنونك ..

احسااااااااااس حزيييين الله يعين كل اللي جربتهـ وان شاء اللـه ما حد يجربهـ لانهـ بالفعل مؤلمـ

يسلموووو لهوووفهـ وربي دمعت مع القصيدهـ

لا عدمناااااكـ يارب

رقم المشاركة : 7 08-20-2008, 01:29 PM

يسلموووو يالغواااالي ع المرووور

لا عدمت طلتكمـ نوووورتوا

رقم المشاركة : 8 08-21-2008, 08:32 PM

قصيدهـ روعـه

وتعجبني القصـائد اللي على هئية القصص

لهفة الخـاطـر

يعطيك ربي العافيه خيتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: انا مابي مهر منك ولا شبكه ولا فستان
الموضوع	كاتب الموضوع	المنتدى	مشاركات	آخر مشاركة
لابد أن نحب	دانة العشاق	المنتدى العام - العام - كتابات - اطروحات	6	07-30-2008 03:32 PM

الذين يشاهدون محتوى الموضوع الآن : 1 ( الأعضاء 0 والزوار 1)