منتدى القصص - قصص - روايات - حكايات

رقم المشاركة : 1 08-06-2008, 10:35 AM

السلام عليكم ورحمة الله وبركاته

كيف الحال ان شاء الله تمام
طبعا هذي اول مرة اكتب فيها رواية
عشان كذا محتاجة تشجيعكم لي
اول شيء ببدا بتعريف شخصيات الرواية
حاليا بعرفكم على ابطال الرواية الـ4
وبعد كذا كل ما وصلنا لشخصية بعرفكم عليها
بسم الله ..,

رفيف .:. بنوتة فلا تحب الوناسة والطلعات عمرها 19 سنة
او سنة بالجامعه قسم علم نفس .. طويلة شوي .. بيضا
رغم ان ملامحها مو مرة حلوة .. بس فيها شيء يجذب يعني
( مهما طالعت تبقى حلوة )

ريما .:. صديقة رفيف روح بالروح ماخذه اغلب صفات رفيف
خصوصا في الرجة والهبال هع ومعها بنفس القسم .. ملكة جمال
وكل من شافها حبها

فيصل .:. اخو رفيف الكبير 22 سنة يدرس بالجامعه قسم ادارة اعمال
جذاب وفلا ويحب ينرفز اخته

محمد .:. اخو ريما وصديق فيصل مرة لدرجة ان اللي ما يعرفونهم
يحسبونهم اخوان .. وسيم وجذاب .. كل البنات يخقون عليه ..
بس هو مسوي ثقل هع

البارت الاول .:.

في العطلة الصيفية

رفيف .:. يماااااااااا
ام فيصل .:. وصمخ سديتي اذني بصراخك .. خير وش تبين ؟؟
رفيف .:. يما ابي اطلع السوق مع ريما تكفييييييييييييين
ام فيصل .:. طلعة ماااااااااااافي ولا تحسبيني بنسى سوااتك
فشلتينا قدام الناس
رفيف .:. يما والله انا مو قصدي .. بعدين كلها مزح وش فيها
يما حبيبتي اكيد بتواتفقين اطلع ( وهي تبوس امها )
ام فيصل .:. خلاص خلاص .. روحي ولا تتأخرين
رفيف نقزت على طول .:. ان شاء الله يمه
( طلعت رفيف على دخلة فيصل )
فيصل وهو داخل .:. سلام
ام فيصل .:. وعليكم السلام والرحمة
فيصل .:. يما ليش خليتيها تطلع ؟
ام فيصل .:. ياولدي خلها تستانس .. وبعدين اختك وانت تعرفها
تحب تمزح واجد .. لا تشره عليها
فيصل .:. طيب يما ما قلنا شيء
تمزح معنا لكن تفشلنا قدام خلق الله
( وطلع غرفته وهو معصب )

[ طبعا الموقف اللي يتكلمون عنه ان رفيف
كل ما جوها خطاب هبلت فيهم لين يتركونها <==< ذيبة هع ]

* في سيارة محمد *

رفيف وهي تفتح الباب بقوة .:. سلااااااااااااااام هلا ريموه كيفتس وش اخبارتس وعلومتس
ريما .:. هلا والله الحمدلله كيفتس انتي ؟
( وبدوا سوالف وحش في خلق الله )
محمد .:. احــــــــــم بنت انتي وياها صوت ما ابي
ناقص صداع انا زين اني تكرمت ووديتكم
( رفيف تنحت لما سمعت صوت محمد
طول الوقت تفكره السواق )

طول الطريق هاجدي ( والله من الخوف هع )

ريما وهي نازلة من السيارة .:. اوك حمودي مر علينا الساعه 10 ونص
محمد وهو يسكر السيارة وينزل منها .:. مين قال اني لك اني بروح
ريما .:. كيف يعني ما بتروح
محمد وهو مبتسم .:. يعني بقعد على قلوبكم
مو زين بنات وبروحكم في السوق
رفيف .:. اففففففف
محمد .:. عفوا ؟
رفيف .:. لا قصدي أ .. الجو حار اليوم
محمد وهو يضحك .:. الله يخلف عليكم
يلا اشوف قدامي

بعد مده دق جوال رفيف
رفيف ترد وهي مرتبكة
رفيف .:. فيصلوووه مب وقتك الحين
فيصل .:. اقول تعلميني وقتي عن اللي مب وقتي
اسمعي نص ساعه والقاك في البيت
رفيف .:. حلووووووووووة ذي مب على كيفك
فيصل .:. علم وصلك .. عشان تعرفين تمزحين
وان تأخرتي ترى لي حساب ثاني معك .. طوط . طوط ( قفل بوجهها )

رفيف تتحلطم .:. اف والله ما يسوى علي
توني حتى ما شميت هوا
ريما .:. وش فيتس ؟
رفيف .:. هذا فيصلوه داق يقول
نص ساعه واكون في البيت
ريما .:. طيب اخوك ويخاف عليك
رفيف .:. امحق اخو .. بس يلا بروح اخذ لي تاكسي
قبل لا انذبح اليوم .. بايو
ريما مسكتها من يدها .:. هي انتي ياحلوة وين رايحة
قالت تاكسي قالت .. اقول انطقي ومحمد وش وظيفته
هو اللي جابنا وهو اللي بيرجعنا
رفيف .:. لا بس يعني ما ودي اعطلكم
محمد .:. وش عندكم تساسرون ؟؟
ريما .:. اي محمد فيصل اتصل على رفيف
يبيها ترجع الحين البيت وتبي تروح بتاكسي
محمد .:. افا والله .. وانا وين رحت
رفيف منحرجة .:. لا بس ما ودي اعطلكم و ...
محمد يقاطعها .:. انا فاضي ماوراي شغل
يلا قدامي عالسيارة

بتكلم لكم شوي عن شخصيات الرواية .:.

رفيف وريما / رجة ومهبل .. ومع ذلك حساسات وقلوبهم بيضااااء
واذا اجتمعوا ما يسكرون فمهم .. محد يقدر عليهم
غير محمد لأنهم يخافون منه خخخخخخخخخخخخخخخخخخخخ
رفيف دايم تخاف من محمد .. وتشوفه انسان متشائم ومكتئب
وعقلية متحجرة ( رجل من العصر الحجري ) زي ما تسميه هع

فيصل / شخصيته فلا ويحب الوناسة بس اذا عصب لحد يوقف بوجهه
دايم هو و رفيف في مناقر

محمد / جاد مع خواته ما يشوفون ضحكه الا ناااادرا
لكن مع ربعه البسمة شاقه الحلق

( نرجع للرواية )

رفيف وهي نازلة من الدرج وتدندن .:.
تحبني ولا تحب البراطم
اختار لك وحدة على شان ما اضيع
علااقة ما تنبني بالتفاهم
حتى تحت نور القمر يمكن ..
قطع عليها طربها جوالها

لافيف .:. هلا والله
ريما .:. اهلين .. غريبة شعندك مستانسة
رفيف .:. اي مستانسة حدي .. ليه ما تبيني استانس
ريما .:. يوما منك كليتيني بقشوري .. لا يختي استانسي وونيسنا معك و ..
رفيف قاطعتها .:. اقول ريموه خلي الفلسفة شوي على جنب
ودي انتقم من فيصلوه
ريما .:. هههههههههههههههههههه على حركة السوق مو
رفيف .:. ضحكتي من سرتس .. خلاص احسن
بنتقم لحالي ومراح ادخلك معي في بطول المقلب
ريما .:. طيب عادي اصير من ضيوف الشرف هع
رفيف .:. مسوية تنكتين انتي ووجهتس
ريما .:. ههههههههههههه لا لا رفيف ههههههههههههه خلاص توبة ههههههههههههههه
توبة والله ههههههههههه بس مو قادرة اوقف ضحك
رفيف ( مبوزة ) .:. خلاص طيب اذا خلصتي ضحك اتصلي علي
ريما .:. يؤؤؤؤ خلاص خلاص والله توبة ما بضحك
رفيف ( تحمست للمقلب ) .:. طيب طيب شوفي فيصل الحين عندكم ؟
ريما .:. اي
رفيف .:. طيب قطي اذنتس واسمعي زين

* في بيت ابو محمد *
فيصل .:. ههههههههههههههه الله يقطع بليسك
منصور .:. ترى لسى ما عرفت شيء هع
عبدالله ( يكلم جوال ) .:. حبيبتي بعدين اكلمك .. يلا باي
( رد على وحدة ثانية ) .. هلا بقلبي والله
سمعه فارس ومسك ضحكته
محمد .:. عبدالله كم حبيبة عندك بالله ؟
عبدالله وهو ساد الجوال .:. اسكتووا لا تفضحوني
فيصل قال شيء لمنصور
منصور .:. هههههههههه طيب اوكي ... تنفيذ
قام فيصل وجلس جنب عبدالله
ومنصور راح من وراه
( صرخ منصور )
عبدالله قام مفجوع
سحب منه فيصل الجوال وقفله
عبدالله .:. فيصل بلا سخافه عطني الجوال
فيصل .:. بعطيك اياه بس بشرط ما تشغله
عبدالله .:. اجل ليش اخذه
محمد .:. عبووووووووووود حنا هنا مجتمعين نبي نسولف مع بعض
رجا اقعد معنا
عبدالله .:. طيب طيب .. خلاص جيب الجوال ما بكلم
اعطاه فيصل الجوال هنا منصور فطس ضحك
فارس .:. منصوروه وجهك ما يبشر بخير
اكيد وراك بلوة
منصور .:. هههههههههههههههه لا ما فيني شيء هع
فارس .:. اجل يلا انا استأذن فيني نوم
عبدالله .:. وصلني معك .. سيارتي خربانة
محمد .:. طيب بكرة وين بنجتمع
فيصل .:. عندي
الشباب كلهم .:. تـــــــــــــم
طلع فارس ومعه عبدالله وبقي محمد وفيصل ومنصور
فيصل .:. منصوروه مطول اشوف
منصور .:. لا وناسة هنا هع
محمد .:. اقول صدق ما تنعطى وجه .. يلا قوم
منصور .:. افا .. طردة يعني
فيصل .:. ياخي الرجال يبي ينام
منصور .:. لا شوفه صاحي هع
فيصل .:. اقووووووووووووووول
( ما شافوا الا غباره هع )
فيصل .:. يلا يابو شهد انا بروح لا تنسى بكرة عندي
محمد .:. ان شاء الله .. فمان الله

* في بيت ابوفيصل *

رفيف .:. صباح الخير ماماتي
ام فيصل .:. صباح النور .. غريبة قايمة من بدري
رفيف .:. لا سمعت ان نسيم الفجر مفيد للصحه هع
ام فيصل .:. هههههههه انتي متى بتعقلين
فيصل وهو نازل من الدرج .:. اذا اعرست
رفيف .:. افففف جا صاحب السمو .. اذا حضرت الشياطين تذهب الملائكة
فيصل .:. مو كأنك قلبتيها
رفيف .:. الا .. بس لأن الشياطين ما فيه امل تقوم فبتقوم الملائكة هع
فيصل .:. اقول ضفي وجهك يلا
ابو فيصل .:. صباح الخير
رفيف .:. صباح النور .. هلا والله .. هلا بالغلا
وراحت على طول تجيب له قهوة
فيصل .:. سبحان مغير الاحوال
ام فيصل .:. يمه فيصل اليوم بيجون ربعك ؟
فيصل .:. اي يمه
ام فيصل .:. اجل بروح اقول للشغالات يزينون لكم فطاير وشاهي

* في غرفة رفيف *

رفيف .:. هلا ريمووو
ريما ( صوتها نعسان ) .:. هلا
رفيف .:. ريمــــــــــــــــااااااااااااا
ريما ( انفجعت ) .:. هااااه وش صاااار
رفيف .:. هههههههههههههههه والله انك شي
ريما عصبت .:. سخيفة
رفيف .:. اقول ياحلوة متى تشرفين
ورانا مقلب وحوسة هع هع
ريما .:. اي على طاري المقلب
خلييييييييييييه بعدين
رفيف .:. وليه ان شاء الله ؟
ريما .:. اليوم اجتمالع العيال ببيتكم
رفيف .:. طيب .. واذا
ريما .:. ياغبية يعني كيف بنسوي المقلب
رفيف .:. اممممممممممممم .. هع لقيتها
ريما .:. هاه بشري
رفيف .:. انتي تعالي وانا بعلمك كل شيء .. يلا باي

* عند الاولاد *
فيصل .:. هلا والله حياكم
عبدالله توه جاي .:. سلااااااااام
الشباب .:. هلا والله .. حياك
تجمعوا الشباب وقعدوا يسولفون

رفيف وريما متغطيات بجلال الصلاة
مو مبين منهم غير عين وحدة
ريما .:. رفيف لا تتهورين
رفيف .:. ريمو اذا كنتي خايفة ارجعي
ريما .:. لا لا خلااص سكتت
رفيف تناظر من الشباك .:. 1 . 2 . 3 . 4
منهم 5
ريما .:. طيب يلا نرجع
رفيف .:. يلا طيب بس بشووويش

توهم لافين بيرجعون صدموا في شيء طويل قدامهم
رفيف او ما شافته انحاشت
ريما من الخوف صنمت مكانها ..,’

( انتهى البارت الاول )

ارائكم تهمني
ونقدكم يبنيني

اختكم المـ ح ـبة .:.

رورو

رقم المشاركة : 2 08-06-2008, 11:07 AM

يــووووو يا رافــوو

رووايـه شـي وربي

ابـداع مـا شاء الله عليك

وبإنتـظـاار القــادم ^_^

رقم المشاركة : 3 08-06-2008, 11:30 AM

{ البرنس ..,’
منور خيو
مشكور شهادتك
وسام اعتز فيه
لا عدمت متابعتك
ان شاء الله بكرة
انزل البارت الجاي ^_^
دمت بود ..,’

رقم المشاركة : 4 08-06-2008, 11:40 AM

رووووعـهـ
عجبتني مررررهـ
يسلموو رفوو عيوونــــــي^_^
وكملي وحنا متابعين وعجبنيـ محمد ورفيف>>لا ياشيخه هاااع

رقم المشاركة : 5 08-06-2008, 11:42 AM

{ كيوت ..,’
منورة حبيبتي
الاروع طلتك ياكل الغلا
يسلمك ربي
اي اهم شيء محمد ورفيف
<<==< تغمز لكيوت تقول يارب تفهم
مين اقصد هع هع هع

رقم المشاركة : 6 08-06-2008, 08:44 PM

ماااشاءالله عليك رافـوو

والله وعندك مــواهب ربي يحفظك ويزيدك

حفظتها عندي واقرارها بعدين ع رواااااقــهـ

بانتظـــار الـقــــام بشوووق يالغلا

رقم المشاركة : 7 08-07-2008, 04:13 AM

{ لهوفة ..,’
منورة حبيبتي
بعد شوي بنزل البارت الثاني
بس اخلص كتابته ^_^
دمتي بكل ود ..,’

منتدى القصص - قصص - روايات - حكايات

قصص حب, قصة, قصه طويلة, قصه قصيرة, روايات ادبيه, قصص عشق, قصص رومانسيه, روايات رومنسيه, قصص حب